БИШКЕК, 12-июн. — Sputnik. Борбор калаадагы Фатьянов көчөсүндө электр зымдары тартылган түркүк жолдун дээрлик ортосунда турат. Бул тууралуу маалыматты Sputnik Кыргызстан агенттигине шаар тургундары Whatsapp аркылуу салып жиберген.
"Бишкекте Фатьянов көчөсүн кеңейтилип,оңдолуп жаткан. Эми карасак, электр карагайы жолдун дээрлик ортосунда кала бериптир", — деп жазган ал.
Окурман мэрияга "эми бул жерден автоунаалар айланып өтөбү" деп суроо салган.
Ал эми муниципатилеттин маалымат кызматынан жолду оңдоо иштери уланып жатканын, ал эми түркүктү Бишкек телефон станциясынын кызматкерлери жолдун жээгине көчүрүп, кайра орнотушаарын билдиришти.
Эгер кандайдыр бир окуяларга күбө болуп, сүрөт, видео тартсаңыз Sputnik Кыргызстан агенттигинин 0706 566 544 WhatsApp номери аркылуу билдириңиз.
