Москва: Кратово айылында жай тургундарды атып өлтүргөн киши жок кылынды

© Sputnik / Максим Блинов / Медиабанкка өтүүМоскванын Раменск районундагы Кратово айылында жай тургундарга ок чыгарган киши төрт саатка жакын аскер операциясында жок кылынды
Москванын Раменск районундагы Кратово айылында жай тургундарга ок чыгарган киши төрт саатка жакын аскер операциясында жок кылынды - Sputnik Кыргызстан
Жазылуу
НовостиTelegram
Окуя кечээ, 10-июнда кечке жуук болгон. Белгисиз киши аңчылык куралынан терезесинен жай тургундарга карата ок чыгарган.

БИШКЕК, 11-июн. — Sputnik. Москванын Раменск районундагы Кратово айылында жай тургундарга ок чыгарган киши төрт саатка жакын аскер операциясында жок кылынды. Бул тууралуу РИА Новости Россия ИИМине таянуу менен билдирди.

Окуя кечээ, 10-июнда кечке жуук болгон. Белгисиз киши аңчылык куралы менен өз үйүнүн терезесинен жай тургундарды атып, аны кармоого барган укук коргоо органдарына да каршылык көрсөтүп 14 жолу граната ыргыткан.  Анын кесепетинен төрт киши набыт болуп, экөө ооруканага жеткирилген. Ал эми атайын даярдыктагы төрт аскер жеңил жараат алган.

"Аны колго түшүрүү үчүн Россия ИИМ жана Росгвардиянын кызматкерлери биргелешип атайын аскердик операция жүргүзгөн. Бирок кармоо учурунда ал катуу каршылык көрсөткөндүктөн, укук коргоо органдары тарабынан жок кылынды", — деп айтылат билдирүүдө.

Куралчан адамдын архивдик сүрөтү - Sputnik Кыргызстан
Магнитогорск: заводдун директору КР тургунуна көчөдөн ок чыгарган
Коңшуларынын айтымында,  ок чыгарган киши буга чейин  үйүндө төшөктө жаткан карыган энесин карап отурчу. Шек жараткан теср кылык-жоруктары байкалган эмес. Айрым коңшулары ал Чеченстандагы согушка катышканын айтышкан. Ал эми укук коргоо органдары  элүү жаштагы бул киши мурда Өзгөчө кыраалдар министрлигинде иштегенин тастыктаган.

Учурда бул боюнча кылмыш иши козголуп, тергөө иштери жүрүүдө.

Белгилей кетсек, мындан бир жума мурун да Тверск облусунда электрик өзүнө катталган курал менен 9 адамды атып өлтүргөн.

Жаңылыктар түрмөгү
0