БИШКЕК, 11-июн. — Sputnik. Катар мамилеси суук-селки болуп жаткан өлкөнүн жарандарын өз аймагында кала берүүгө уруксат кылды. Бул туурасында РИА Новости Рейтер агенттигине шилтеме кылып билдирди.
Катардын Тышкы иштер министрлигинин билдирүүсүнө караганда, "Катарга жасалган душмандык кампаниядан улам үзүлгөн дипломатиялык мамиле бир тууган мамлекеттердин жарандарына" таасирин тийгизбей турганы айтылган.
5-июнда Сауд Аравиясы, Бахрейн, Бириккен Араб Эмирлиги жана Египет бул мамлекет менен дипломатиялык алака-катнашты үзө тургандыгын билдирген. Коңшулары Катар "Ислам мамлекети" жана "Аль-Каида" террордук топторун колдоп, араб өлкөлөрүнүн ички чарбасына кийлигишет деп кине койгон. Бир аздан кийин аларга Ливия, Йемен, Мальдив, Мавритания жана Комор аралдары кошулган.
