БИШКЕК, 9-июн. — Sputnik. Улуттук коопсуздук мамлекеттик комитети журналист Улугбек Бабакуловго каршы кылмыш ишин козгоду. Бул тууралуу УКМКнын маалымат кызматы кабарлады.
Кылмыш ишинин козголушуна Бабакуловдун fergananews.com жана башка сайттарга этника аралык мамилени козутууга, жек көрүүгө жана улут аралык мамилени бузууга багытталып жарыялаган макаласы себеп болгон. Ошондой эле анын макаласындагы чакырыктар менен кемсинтүүлөр жарандарды мыйзамсыз аракеттерди жасоого үндөгөн делүүдө.
Мыйдай жыйынтык Улуттук илимдер академиясынын эксперттеринин Жусуп Баласагын атындагы Кыргыз улуттук университетинин адистери менен биргеликте жүргүзгөн филологиялык жана саясий эксперитизасынын натыйжасында белгилүү болгон.
Ошондой эле УКМК мындай макалаларды Бабакулов үчүнчү өлкөдөн саясий баш паанек алуу үчүн жазып келгендигин кошумчалайт.
Учурда тергөө башталып, иш Кылмыш-жаза кодексинин 299-беренесинин 1-бөлүгү (Улуттук, расалык, диний жана аймак аралык келишпестикти козутуу) боюнча козголду.
