БИШКЕК, 5-июн. — Sputnik. Жогорку Кеңештин депутаты Өмүрбек Текебаев менен экс-элчи Дүйшөнкул Чотоновдун соту 8-июнда уланмай болду.
Текебаевдин жактоочулары сотто кылмыш иши менен таанышууга убакыт берилбегенин билдиришти.
Мамлекеттик айыптоочу адвокаттар бөлүнгөн убакытты пайдаланбагандыгын жүйө келтирип, убакытты чектеп коюшканын айтты.
Өз кезегинде Текебаев жактоочулары болуп иш менен таанышып жатканын белгилеп, мындан улам ишти караган судья Айбек Эрнис уулу 8-июнга чейин убакыт берди.
