БИШКЕК, 30-май — Sputnik. АКШдагы католиктердин чиркөөсүндө азан чакырган мусулман Кыргызстандын муфтийи Максат ажы Токтомушев болуп чыкты.
Буга чейин социалдык тармактарга калпак кийген киши чиркөөдө азан чакырып жаткан видео тараган.
Кыргызстандын мусулмандар дин башкармалыгынан кабарлашкандай азанды муфтий Максат ажы Токтомушев чакырган.
Маалыматка караганда, ал 1-майдан 9-майга чейин Америка Кошмо штаттарында болгон.
АКШдагы католик чиркөөлөрүнүн биринде Кыргызстандын муфтийи азан чакырган. Бул католиктердин уруксаты менен ишке ашкан.
Расмий сапарга Кыргызстан мусулмандар дин башкармалыгынын башчысынан сырткары, Дин иштери боюнча мамлекеттик комиссиясынын директорунун орун басары Закир Чотаев жана президенттик аппараттын Этностук, диний саясат жана жарандык коом менен өз ара аракеттенүү бөлүмүнүн адистери дагы барган.
