БИШКЕК, 29-май — Sputnik. Москванын жана бүткүл Россиянын патриархы Кирилл Кыргыз-орус славян университетинин ардактуу доктору болду. Бул тууралуу аталган жогорку окуу жайдан кабарлашты.
Билдирүүгө ылайык, мындай чечимди окуу жайдын окумуштуулар кеңеши кабыл алган.
Патриархка докторлук наам Кыргызстан менен Россия элинин достук мамилесин жана тынчтыгын бекемдөөгө кошкон зор салымы, калк арасында руханий жана жүрүм-турумдук принциптерди өнүктүрүүсү үчүн берилди.
Ошондой эле анын Кыргыз-орус славян университетин ар тараптан колдогондугу да эске алынган.
Андан сырткары, иш-чара маалында патриарх Кириллдин кыргыз тилиндеги "Эркиндик жана жоопкерчилик: гармонияны издөө" китебинин бет ачары болуп өттү.
