БИШКЕК, 24-май — Sputnik. Ош — Бишкек жолунун Токтогул районунда (307-чакырым) жүк ташуучу VOLVO автоунаасы менен бензовоз кагышып, андан соң жолдон чыгып, оодарылып күйүп кеткен. Бул тууралуу ӨКМден билдиришти.
Бензовоздун айдоочусу окуя болгон жерде каза болгон. Учурда анын ким экени такталууда. Ал эми VOLVO автоунаасынын айдоочусу жана жүргүнчү Токтогул районундагы Үч-Терек айылынын ооруканасына жаткырылган. Алардын да аты-жөнү такталууда.
