Бактыбек Таалайбеков 1993-жылы Чүй облусунун Ысык-Ата районуна караштуу Жээк айылында туулган. Ал 17 жашында физика сабагынан мугалим, 19 жашында мектептеги тарбия иштери бөлүмүнүн башчысы болууга жетишкен. 2015-жылдан бери Ысык-Ата районунун билим берүү мекемесинде аталган бөлүмдү жетектеп, №4 мектеп-гимназияда окутуучулук кызматты аркалайт.
— 17 жашыңызда кантип мугалим болуп калганыңыз баарыбызга кызык болуп жатат.
— Бул ишти алып кете албай калам деп корккон жоксузбу?
— Күнүгө кечинде өткөн тема менен алдыдагы өтө турчу темаларды салыштырып, кошумча китептерди окуп даярданып барам. Баштагандан кийин таштабайын деп катуу аракет кылдым. Анан да моюндагы жоопкерчиликти сезип, жаш болсоң да олуттуу болуп калат экенсиң. Себеби балдарга үлгү болушуң керек.
— Жаш мугалим менен окуучулардын тил табышуусу да оңой болбосо керек?
— Албетте башында көнө албай жүрдүм. Өзүңдү окуткан мугалимдер менен кесиптеш болуп, тең тайлаш балдарга сабак берүү кыйын болду. Бирок ага карабай бат эле окуучулар менен тил табыша алдым. Кээде окуучуларда үй-бүлөлүк көйгөйлөр жаралып калат. Чоң класстарда сүйүү тууралуу маселе жаралышы мүмкүн. Алардын баарын түшүнүү менен кабыл алып, ачык сүйлөшүүгө чакырдым. Окуу менен эле чектелбей оюн-зоок кечелерин да уюштуруп жаттык. Ошондой эле өзүм көргөн уруш, кыйкырыктарды окуучуларыма жасабаганга аракет кылам. Алар да "улуулар менен ачык сүйлөшүүдөн тартынабыз, сизге баарын айта беребиз" деп калышчу. Мындан улам окуучулардын сабакка кызыгуусуна жаш мугалимдин да таасири болоруна ишенип калдым.
— Сизди көрүп мугалим экениңизге таң калгандар болобу?
— Ооба, азыр деле сендей жаш мугалимдер барбы деп таң калып сурагандар болот. Мурда мектептер аралык иш-чараларга барганда окуучулар "агай, агай" деп жатышса "сен мугалимсиңби?" деп ишенбей карап калышчу.
— Мектепте канча жыл иштедиңиз?
— Беш жыл жетектеген класстагы окуучулардын акыркы коңгуроодо "биз агайыбызды бул жакка калтырбай өзүбүз менен кошо алып кетебиз" деген сөзү аябай таасир берди. Анан ошол эле жылы августта райондук билим берүү мекемесине иштөөгө чакыруу түштү. Негизи мектептен кетем деген оюм жок болчу. Балким жанагы окуучуларымдын айткан сөзү таасир эткендир, айтор райондун чакыруусун кабыл алдым.
— Мугалимдин айлыгы ич жылытарлык эмес экени баарыбызга маалым…
