БИШКЕК, 24-май — Sputnik. Бишкек шаарында Көз карандысыз мамлекеттер шериктештигинин атайын кызмат башчыларынын кеңеши өтүп жатканын КР Улуттук коопсуздук мамлекеттик коопсуздук боюнча комитетинин маалымат кызматы билдирди.
Андан сырткары, Сирия жана Ирактагы согуш жүрүп жаткан аймактарга чыгып кеткен кишилер тууралуу маалыматтарды бөлүшүү дагы каралууда. Согушкерлердин ишмердигинин алдын алуу боюнча кошумча чаралар иштелип чыгары УКМК тараткан билдирүүдө айтылат.
"Быйыл июнь, июль айларында Россияда FIFA — 2017 иш чарасы өтөт. Андыктан коомдук-саясий, спорттук жана башка эл аралык деңгээлдеги иш чараларда коопсуздукту сактоо боюнча тажрыйбаларды бөлүшүү керек", — деп айтылат маалыматта.
КМШнын терроризмге каршы күрөшүү борборунун жетекчиси 2014-2016-жылдарда терроризм жана башка зомбулуктарга каршы күрөшүү программасынын аткарылышы боюнча отчет берет.
