БИШКЕК, 21 май — Sputnik. Американын космостук НАСА агенттиги Ош облусуна караштуу Өзгөн районундагы Курбу-Таш айылына түшкөн жер көчкүнүн спутниктен тартылган сүрөтүн жарыялады.
Landslide in Southern Kyrgyzstan https://t.co/TLvfmqvW4O #NASA pic.twitter.com/0sr2yCWxBP
— NASA Earth (@NASAEarth) 19 мая 2017 г.
Агенттик кырсыкка чейинки жана жер көчкү жүргөндөн кийинки эки сүрөттү чыгарды.
"Landsat 8 спутнигиндеги Operational Land Imager (OLI) аппараты 11-май күнү Курбу-Ташка түшкөн көчкүнүн сүрөтүн тартып алган. Жаңы кадрларда көрүнүп тургандай топурак күрөң түстө болуп турат. Салыштыруу үчүн сүрөттүн сол тарабынан үстүбүздөгү жылдын 25-апрелинде тартылган участокту көрүүгө болот", — деп НАСАнын отчетунда айтылат.
Ош облусуна караштуу Өзгөн районундагы Курбу-Таш айылында үч ирет жер көчкү жүргөн. Биринчи көчкү 1-майда түшүп, 11 үйдү басып калган. Төрт күндөн кийин айылда кайрадан көчкү жүрүп, 35 үйдү жана 35 электр өткөрүүчү линияларын талкалаган. Көчкү акыркы жолу 11-майда түшүп, 45 турак үй менен үч социалдык объектти басып калган.
