БИШКЕК, 13-май — Sputnik. Алай районунда суу алып келем деп чыккан 31 жаштагы аялды автоунаа коюп кетип, каза тапты. Бул туурасында Ош облустук милициясынын маалымат кызматынан кабарлашты.
Автокырсык кечээ саат 16:30дарда болгон.
"Сууга чыккан аял чакалары менен жол жээгинде турганда Subaru Legacy Lancaster автоунаасы уруп кеткен. Анын жаракаттары катуу болгондуктан, ошол жерде жан берген", — деп айтылат маалыматта.
Айдоочу тиешелүү текшерүүлөрдөн өткөндөн кийин анын соо экендиги аныкталган.
Милиция айдоочу аялды абайсыздан койдуруп алган деген алдын ала маалымат берди. Автоунаа айып короого токтотулуп, тергөө иштери уланууда.
