БИШКЕК, 6-май — Sputnik. Кыргызстандагы кылмышкерлердин жазага тартылбай кутулуп кетүү мүмкүнчүлүгү канчалык экенин Улуттук статистика комитети аныктап чыкты.
Мекеменин маалыматына ылайык, жасалган 10 кылмыштын жетөөсүнүн бети ачылат. Кылмыш кылган зордукчулардын 96 пайызы колго түшөт.
Адам өлтүргөндөрдүн 74 пайызы кылтакка илинсе, уурулардын 35 пайызы гана кармалат. Ошентип ууру кылгандардын колго түшүү ыктымалдуулугу башка кылмышкерлерге салыштырмалуу төмөн.
Жыл сайын укук коргоо органдары 30 миңден ашык кылмыш каттайт. Башкача айтканда, Кыргызстанда күнүгө 1,5 саат сайын мыйзам бузулат.
