Жасалма бут менен келген кызга балдардын мамилеси. Көзгө жаш айланткан ирмем

БИШКЕК, 5-май — Sputnik. Социалдык тармакка тарап кеткен видеого коомчулук абдан жылуу пикирин айтууда. Анда камерага Ану аттуу жети жашар кызга классташтарынын мамилеси тартылган. Бул туурасында РИА Новости Daily Telegraph гезитине шилтеме кылып баяндады. 

Бирмингемдик кыз мектепке жасалма бут менен келген, ал протезге бут кийим кийгизилбей, темир боюнча басууга ылайыкталган. Бул көрүнүш кичинекейлерди таңгалдырганы менен бирок аларды кыздан оолактата алган эмес.

Роликте жаңы гана келген классташынын адаттан башкача темир бутун көргөн балдар ары-бери жагына чыгып карап жатат. Анан кызыгып жаткандардын бири, көз айнекчен кыз, Ануну балалык мээрим менен бекем кучактап калганын көрүүгө болот. Анын артынан экинчиси кайталап, андан соң балдар аянтчаны айлана, так секирип, ойноп чуркап жөнөшөт.

Гезит Ану төрөлгөндөн көп өтпөй эле бутун кесүүгө туура келгенин жазган. Буга чейинки жасалма буту менен кыз чуркап, бийлеп, секирип ойной алчу эмес.

Daily Telegraph Улуу Британиянын Саламаттык сактоо боюнча улуттук кызматы быйыл адаттагыдан жарым миллион фунт ашыкча каражат алып, мындан улам көп балдарга заманбап жасалма бут салып бергенин жазды. Алардын ичинде жети жашар Ану да болгон.