Бегайым Канат кызы: "Манас" аба бекетине кеткен жолдо жарака пайда болгон
Транспорт жана жолдор министрлигинин маалымат кызматынын өкүлү Бегайым Канат кызы Sputnik Кыргызстан агенттигине учурда жолду оңдоо иштери жүрүп жатканын маалымдады.
"Бишкек — "Манас" аэропортуна кеткен жолдун 27-чакырымында жарака кеткен. Буга мурдагы кыртыштын үстүнө асфальт төшөлүп калганы себеп. Жолго бир жылдык кепилдик берилгенине байланыштуу оңдоо иштерине кеткен чыгымды башкы подрядчик "Технотоп" компаниясы көтөрөт", — деп билдирди Канат кызы.
Белгилей кетсек, Бишкек — "Манас" аэропорту жолун куруу иштери 2015-жылдын 19-сентябрында башталып, 2016-жылдын 13-октябрында аяктаган. Ал эми 2016-жылдын 1-декабрында толук түрдө эксплуатацияга берилген.
