БИШКЕК, 28-апр. — Sputnik. Кыргызстандык тогуз мушкер Азия чемпиондугу үчүн ат салышат. Бул тууралуу Жаштар иши, дене тарбия жана спорт мамлекеттик агенттигинин маалымат кызматы билдирди.
Мелдеш 30-апрелден 7-майга чейин Өзбекстандын борбору Ташкентте өткөрүлүп, кыргызстандык мушкерлер тогуз салмактык категория боюнча күч сынашат.
Кыргызстандын намысын Мирлан Түркбай уулу, Азат Үсөналиев, Сирожидин Абдуллаев, Өмүрбек Малабеков, Нурлан Кобашев, Эрмек Сакенов, Ыктыяр Шабданбаев, Эркин Адылбек уулу жана Сергей Паренко коргойт.
Спортчуларды башкы машыктыруучу Адылкан Бекболотов жана улук насаатчы Айбек Абдымомунов жетектеп барат.
Азия биринчилигинде медалдардан сырткары 25-августтан 7-сентябрга чейин Германияда өтө турган дүйнө чемпионатына 60 жолдомо ойнотулат.
