БИШКЕК, 27-апр. — Sputnik. Жума күнү мезгил-мезгили менен жаан жаап, күн күркүрөйт. Бул тууралуу Кыргызгидрометтен билдиришти.
Маалыматка ылайык, Талас өрөөнүндө, Нарын, Ысык-Көл облустарынын дыйканчылык аймактарында, Чүй, Ош, Жалал-Абад, Баткен облустарынын тоо этектеринде жаан карга айланып, тоолуу райондордо кар жаашы күтүлөт.
Зымдарга жана бактарга суу кар жармашат. Айрым жерлерде туман түшөт. Тоолуу райондордо жолдор тайгак жана тоңголок болуп, кар күрткүсү болушу ыктымал. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Ош жана Бишкек шаарларында 13…15 градус жылуу болот.
