БИШКЕК, 27-апр. — Sputnik. Санкт-Петербург шаарындагы ооруканалардын биринде асынып калып түшкөн 22 жаштагы баланын учурда абалы оор. Бул туурасында Россиядагы Кыргызстандын элчилигинен кабарлашты.
19 Чын Куран 2017, 18:35
26-апрелде элчиликтин кызматкерлери ооруканага барып, анын абалы менен таанышып, дарыгерлер менен сүйлөшкөн.
Маалыматтарда жигит Санкт-Петербург шаарынын Дунай проспектисиндеги курулуштардын биринде асылып калган тейде табылганы айтылат. Дарыгерлер анын абалы оор экенин жана жасалма дем алдырган аппаратка туташтырылганын айтышкан.
"Ооруканага келген туугандарынын айтымында, окуя үй-бүлөлүк чырдан улам чыккан", — деп билдиришти элчиликтен.
Өкүлчүлүктүн кызматкерлери баланын туугандары менен байланышта болуп, маселени көзөмөлгө алганын айтышты.
