Өкүм чыгарган сот баңги зат менен шугулданган жарандын долбоорун мактады

© flickr.com / Michael CoghlanВесы правосудия
Весы правосудия - Sputnik Кыргызстан
Жазылуу
Сот соттолуучуну үч жыл камакка алуу чечимин чыгарган. Бирок өкүмдү окуп бүтөр замат чечимди жокко чыгарган.

БИШКЕК, 27-апр. — Sputnik. Австралиянын Квинсленд штатынын Жогорку Сотунун судьясы Энн Лайанс баңги зат менен шугулданган жаранга өкүм чыгарып жатып, анын бизнес долбоорун колдоого алган. Бул тууралуу жергиликтүү Sunshine Coast Daily басылмасы жазып чыкты.

Судья бизнестин багытын эске албаганда, аны ишке ашыруу жолдору эң жогорку деңгээлде болгонун белгилеген.

Героин. Архив - Sputnik Кыргызстан
УКМКнын мурунку жана учурдагы чекисттери баңгизат менен кармалды
18 жаштагы соттолуучу Броуди Гэри Саттерли 2015-жылдын июнь айында камакка алынган. Жаш жигиттин унаасын текшерүүгө алган полиция баңги затын таап чыккан. Ошондой эле алар шектүүнүн гаджетин иликтөөгө алып, жаран баңги затын жайылтуу менен алектенет деген бүтүмгө келишкен.

Кармалган адам мыйзамсыз бизнести жүгүртүүдө өзгөчө ыкманы иштеп чыккан. Ал туруктуу сатып алуучуларга арзандатуу системасын киргизген. Ал эми товарды жактырбай койгондорго акчасын кайтарып берген.

Мындан тышкары, ал кардарлардын пикирине мониторинг жүргүзүп, бизнести өнүктүрүү стратегиясын иштеп чыккан.

Сот өкүмдү окуп жаткан маалда соттолуучунун бизнес куруу жаатындагы билими жакшы экендигин белгилеп өткөн.

"Бул албетте жакшы бизнес эмес. Бирок система абдан сапаттуу түзүлгөн. Сиз башка багыт боюнча чоң жетишкендик көрсөтө аласыз. Себеби абдан акылдуу улан экенсиз", — деп сот билдирген.

Сот соттолуучуну үч жыл камакка алуу чечимин чыгарган. Бирок өкүмдү окуп бүтөр замат чечимди жокко чыгарган. Буга ал шектүү эки жылга созулган тергөө учурунда бир дагы жолу мыйзам бузбагандыгын жүйө катары келтирген.

Жаңылыктар түрмөгү
0