БИШКЕК, 26-апр. — Sputnik. Жыл башынан бери Бишкек шаарында маршрутка кабылган жол кырсыгынан 66 киши түрдүү жаракаттарды алган. Бул тууралуу ШИИБ Кайгуул милициясынын жол коопсуздугу бөлүмүнүн жетекчи орун басары Турусбек Абдыжапаров Sputnik Кыргызстан агенттигинин мультимедиалык борборунда болгон жыйында билдирди.
Анын айтымында, 2017-жылы Бишкек шаарында маршруттук такси, троллейбус катышкан 45 жол кырсыгы катталган.
"Шаардагы жүргүнчү ташыган транспорттун абалы абдан начар. Жыл башынан бери жүргүнчү ташыган бусиктер катышкан 45 жол кырсыгы катталып, андан 66 киши түрдүү жаракаттарды алган. Айрым айдоочулар 5-6 жолу жол эрежесин бузушкан. Аларга карата катуу чаралар көрүлөт", — Абдыжапаров.
Муниципалитетке жыл жаңыргандан бери мындай өңүттөгү 170 кайрылуу келип түшкөн.
Текшерүү учурунда 193 микроавтобус санитардык жана техникалык абалы талапка жооп бербегендиктен каттамдан четтетилген.
