БИШКЕК, 25-апр. — Sputnik. Президент Алмазбек Атамбаев Кыргызстандагы жол кыймылы жана коопсуздугу боюнча үн катып, тиешелүү тараптарга тапшырма берди. Бул туурасында президенттин сайтында маалымдалды.
Анда Атамбаев өкмөткө жана Коопсуздук кеӊешинин секретариатына бардык компетенттүү мамлекеттик органдар менен түзүмдөрдүн жетекчилеринин катышуусунда жол кыймылынын коопсуздугу боюнча кеӊешме даярдоону тапшырганы айтылат.
"Президент бул чөйрөдө топтолгон көйгөйлөрдү чечүү боюнча иш-чаралардын комплексин камсыздоону милдеттендирди", — деп жазылган маалыматта.
Эске сала кетсек, акыркы бир ай ичинде Кыргызстандагы жол кырсыгы бир канча адамдардын өлүмүнө себепкер болду. Алардын ичинде балдар жабыр тарткан кейиштүү учурлар да бар.
