БИШКЕК, 25-апр. — Sputnik. Россиянын Сибирь федералдык округу Кыргызстанда өндүрүлгөн продукцияларды сатып алууга өтүнмө жиберди, Бул тууралуу Инвестицияларды жана экспортту илгерилетүү боюнча мамлекеттик агенттиги билдирди.
Маалыматка ылайык, Сибирь федералдык округу Кыргызстанда чыгарылган сүт продукцияларын жана бадам, жер жаңгак өңдүү жемиштерди 60 тонна көлөмдө алууга даяр. Андан сырткары, мөмө-жемиштерден жасалган азык-түлүк продукцияларын дагы импорттоону көздөп жатышат.
Эгер аталган продукциялардын баасы менен сапаты талапка жооп берсе, Сибирь округу ай сайын сатып алып турууга даяр.
Учурда экономика министрлиги дыйкандар менен өндүрүүчүлөрдөн азык-түлүктөрдү чогултууда.
