БИШКЕК, 25-апр. — Sputnik. Ош облусунун Өзгөн районунун Чангет айыл аймагында минген аты менен сууга агып кеткен 27 жаштагы жигиттин сөөгү табылды. Бул тууралуу ӨКМ кабарлады.
Билдирүүгө ылайык, кырсык 24-апрель күнү 12:30дар чамасында болгон. Токой участкасында Чангет суусунан өтүүгө аракет кылган кишини шар агым минип жүргөн аты менен агызып кеткен.
"Минген аты ылдыйкы Кара-Кыя айылынан, ал эми ошол эле күнү саат 15:25те айыл тургундары тарабынан жигиттин сөөгү табылган",— деп жазылат кабарда.
Маалыматтар боюнча маркумдун сөөгү туугандарына өткөрүп берилди.
