Унаа коюп кеткен эки окуучунун бири өзүнө келди

Жазылуу
Yandex newsTelegram
Бүгүн Бакаев менен Ремесленная көчөлөрүнүн кесилишинен Mercedes-Benz С-class үлгүсүндөгү унаа №74 мектептин 3-классынын эки окуучусун сүзүп, экөө тең оор абалда ооруканага түшкөн.

БИШКЕК, 21-апр. — Sputnik. Унаа койдуруп кеткен эки окуучунун бири өзүнө келди. Бул тууралуу Sputnik Кыргызстан агенттигине Саламаттыкты сактоо министрлигинин маалымат катчысы Жылдыз Айгерчинова билдирди. 

"Өспүрүмдөрдүн бири өзүнө келип, сүйлөөгө жарап калды. Экинчисинин абалы оор бойдон калууда. Азыр аларга тынчтык гана керек", — деди Айгерчинова. 

Катуу ылдамдыкта келе жаткан машина окуучуларды коюп кеткен ирмем - Sputnik Кыргызстан
Катуу ылдамдыкта келе жаткан машина окуучуларды коюп кеткен ирмем
Бүгүн Бакаев менен Ремесленная көчөлөрүнүн кесилишинен Mercedes-Benz С-class үлгүсүндөгү унаа №74 мектептин 3-классынын эки окуучусун сүзүп, экөө тең оор абалда ооруканага түшкөн. 

Саламаттыкты сактоо министрлигинен мурдараак билдиришкендей, кырсыкка кабылган он жаштагы баланын башы, ички органдары жаракат алып, сол ийни сынган. Ал эми экинчи өспүрүмдүн башы жана ички органдарынан сырткары, эки тизеси, омурткасынын жогору жагы сынып кеткен.

Жаңылыктар түрмөгү
0