Катуу ылдамдыкта келе жаткан машина окуучуларды коюп кеткен ирмем

Жазылуу
21-апрелде Бишкек шаарындагы Бакаев жана Ремесленная көчөлөрүнүн кесилишинен окуучуларды автоунаа коюп кеткен. Милициянын маалыматына ылайык, балдарды жөө адамдар өтө турчу жерден Mercedes Benz үлгүсүндөгү машина сүзгөн.

Айдоочу окуя болгон жерден качып кеткен. Жабыркаган окуучуларды балдардын №3 шаардык тез жардам клиникасына алып келишкен. Алардын абалы оор экени айтылууда.

Милиция жол кырсыгын кандай машина жасагандыгын аныктаганы менен автоунааны таба элек. Маалыматка караганда, рулда анын кожоюну эмес, жакын тууганы отурган.

Жаңылыктар түрмөгү
0