БИШКЕК, 21-апр. — Sputnik. Борбор калаадан эки окуучуну койдуруп кетти делген айдоочу кармалганын Кайгуул милициясынын маалымат кызматы билдирди.
"Жол кырсыгы болгон учурда машинаны борбор калаанын 29 жаштагы М.А. аттуу жараны айдап бараткан. Ошондой эле машина дагы табылды", — деп милициядан маалымдашты.
Балдарды койдурду деп шектелген айдоочу
© Фото / пресс-служба УМП ГУВД Бишкека
Белгилей кетсек, 21-апрелде Бишкек шаарындагы Бакаев жана Ремесленная көчөлөрүнүн кесилишинен окуучуларды Mercedes Benz үлгүсүндөгү автоунаа коюп кеткен. Айдоочу окуя болгон жерден из жашырган. Жабыркаган окуучуларды балдардын №3 шаардык тез жардам клиникасына оор абалда алып келишкен. Алар шаардагы №74 мектептин окуучулары экенин милициядан кошумчалашкан.
Жол кырсыгы болгон учур видеокамерага тартылып калган.
