БИШКЕК, 16-апр. — Sputnik. Дүйшөмбү күнү өлкө аймагында жаан жаайт. Бул тууралуу Кыргызгидрометтен кабарлашты.
Ага ылайык, Чүй, Талас, Жалал-Абад облустарынын айрым жерлеринде жаан жаап, күн күркүрөшү, тоолуу райондордо кар жаашы күтүлөт. Ош, Баткен, Ысык-Көл, Нарын облустарында катуу жаан жайт.
Тоолуу райондордо жолдор тайгак жана тоңголок болот. Түштүк-чыгыштан соккон шамалдын ылдамдыгы секундасына 4-9 метрге жетет.
Борбор калаада 18, Ошто 18 градус жылуу болот.
