БИШКЕК, 12-апр. — Sputnik. 1937-жылкы репрессиянын 80 жылдыгына карата борбор калаада жөө жүрүш өтөт. Бул тууралуу Маданият, маалымат жана туризм министрлиги кабарлады.
Билдирүүгө ылайык, иш-чара Аламүдүн районунда 18-апрелде саат 11:00дө башталат.
"Жөө жүрүш Таш-Дөбө айылынан башталып "Ата-Бейит" мемориалдык комплексине чейин уланат. Анын аралыгы эки чакырымды түзмөкчү ", — деп жазылат маалыматта.
1990-жылы Бишкек шаарынан алыс эмес жерде репрессиядан өлтүрүлгөн 137 адамдын сөөгү табылып, дал ушул жерге кийин "Ата-Бейит" мемориалдык комплекси курулган.
