Тору-Айгыр айылынын активисти Казаев: эми жолдорду түздөйбүз

Тору-Айгыр айылын толугу менен тазалап, жалпысынан бир КамАЗ толтура таштанды чогултуп, эми айыл ичиндеги жолдорду түздөөнү пландап жатышканын "Тору-Айгыр жаштары" коомдук бирикмесинин жетекчиси Чыңгыз Казиев Sputnik Кыргызстан агенттигине билдирди.

"Айылды тазалоо демилгебизди мектеп окуучуларынан тарта улуу муунга чейин колдоого алышты. Агаларыбыз техника жагынан жардам беришти. Эми айылдагы жолдорду түздөтүүнү пландап жатабыз", — деди Казиев.

Анын айтымында, айыл элине өз аймагындагы таштандыны чогултуу боюнча кулактандыруу эки жума мурун берилген.