БИШКЕК, 4-апр. — Sputnik. Бүгүн борбор калаада Бишкектин "Дордою" менен Оштун "Алай" командасынын ортосунда таймаш өтөт.
Азия футбол конфедерациясынын (AFC) кубогунун тайпалык этабынын алкагында өтүп жаткан оюн Дөлөн Өмүрзаков атындагы стадиондо саат 16:00дө башталат.
КР Футбол федерациясынын билдиргенине караганда, эки клубдун футболчулары маалымат жыйын өткөрүп, анда "Алайдын" оюнчусу Владимир Веревкин команданын духу күчтүү экенин билдирди.
"Дордой" — күчтүү команда, бирок биз колдон келген аракетибизди кылабыз. Жоопкерчиликти сезип, катуу даярданып жатабыз", — деди дагы бир оюнчу Анатолий Власичев.
Маалыматка караганда, мелдешке кирүү акысыз.
