БИШКЕК, 2-апр. — Sputnik. Франциянын түштүк-чыгыш тарабындагы Ницца шаарында теракт жасоого аракет кылган эки өспүрүм кыз кармалды. Бул тууралуу Sputnik Белоруссия билдирди.
Маалыматка ылайык, 1-апрелде кармалган кыздардын үйүндө тинтүү иштери жүргүзүлүп, прокуратуранын терроризмге каршы күрөшүү бөлүмү тергөө иштерин баштап, шектүүлөрдү кармаган. Мындан улам табылган далилдердин негизинде кыздар теракт даярдап жаткандыгын болжолдоого болот. Бирок аталган иш-чараларда курал-жарак табылбаганы белгиленүүдө.
Ал ортодо Парижде карнавал учурунда жардыруу болгон. Кырсык Бишкек убактысы боюнча 21;30да болуп, 19дай адам түрдүү жаракат алып, төрт адамдын абалы өтө оор экени айтылып жатат.
Окуяга күбө болгондордун айтымында, жардырууда топтошкон адамдарга чок жана жыгачтын сыныктары тийген. Ошондой эле жабыркагандардын арасында коммунанын мэри да болгон. Карнавалга катышууга миңдей бала келген.
Эске сала кетсек, 2016-жылдын декабрь айында Франциянын парламенти киргизилген өзгөчө кырдаалды 2017-жылдын июль айына чейин узарткан.
