БИШКЕК, 2-апр. — Sputnik. Дүйшөмбү күнү Кыргызстандын аймагында мезгил-мезгили менен кар жаай турганын Кыргызгидромет билдирди.
Маалыматка ылайык, зымдарга жана бактарга суу кар жармашат. Тоолуу райондордо жана тоо этектеринде жолдор тайгак болуп, кар күрткү жаралышы күтүлөт. Батыштан соккон шамалдын ылдамдыгы секундасына 17-22 метрге жетиши мүмкүн.
Бишкекте жаан жаайт. Абанын температурасы 4…6 градус жылуу болот. Ош шаарында да жаан-чачын болуп, 6…8 градус жылуу болушу күтүлөт.
Чүй менен Таласта 1…6 градус жылуу болсо, Ош, Баткен, Жалал-Абад облустарында күндүн табы 3…8 градуска чейин көтөрүлөт. Ысык-Көлдө 2…7, ал эми Нарында 1…6 градус жылуу болору божомолдонууда.
