БИШКЕК, 31-мар. — Sputnik. Апрель айынын башында үшүк жүрүшү божомолдонуп жаткандыктан Бишкектеги жылуулук берүү мөөнөтү создуктуруларын мэриянын турак-жай коммуниалдык чарбасы башкармалыгынын жетекчиси Канат Эшатов Sputnik Кыргызстан агенттигине билдирди.
Мэрия азырынча жылуулук берүүнү токтотуу тууралуу буйрук бере элек.
Эшатовдун айтымында, кечээ муниципалитеттин кезектеги жыйыны болуп, анда аталган маселе дагы талкууланган.
"Кыргызгидрометтин маалыматы боюнча апрелдин башында күн сууктап, кар жаайт деген маалымат бар. Андыктан борбор калаада жылуулук берүүнү токтотууга шашкан жокпуз. Азырынча болжол менен 5-апрелде өчүрүлүшү мүмкүн экени айтылып жатат", — деди Эшатов.
Белгилей кетсек, былтыр жылуулук 10-мартта өчүрүлгөн.
Ал эми "Электр станциялары" ишканасы шаардыктарга жылуулук берүү үчүн мазут менен көмүр жетиштүү көлөмдө экенин билдирди.
