БИШКЕК, 1-апр. — Sputnik. Ош — Ноокат жолунда эки унаа кагышып, беш адам ооруканага түштү. Бул тууралуу Ош ОИИБдин маалымат катчысы Жеңиш Ашырбаев аймактык кабарчыга билдирди.
31 Жалган Куран 2017, 14:59
Ага ылайык, бүгүн болжол менен саат 7:30дар чамасында Ош — Ноокат жолунун Кызгалдак участкасында оор жүк ташуучу Ford үлгүсүндөгү автоунаа менен Hyundai Starex машинасы кагышкан. Экинчи автоунаа жүргүнчүлөрдү Ноокаттан Кара-Суу базарына ташып бараткан.
Натыйжада беш адам ар түрдүү жаракат алып, ооруканага түштү. Төрт жаран медициналык жардам алышып үйлөрүнө кетишкен. Учурда жол кырсыгынын себептери иликтенүүдө.
