Нигерияда "Боко Харам" уюмунун согушкерлери 22 кызды уурдап кетишти

© AP Photo / Boko Haram"Боко Харам" радикал уюмунун согушкерлери. Архив
Боко Харам радикал уюмунун согушкерлери. Архив - Sputnik Кыргызстан
Жазылуу
Радикалдык топтун мүчөлөрү айылдарга эки жолу кол салып, анда 17 жашка чыга элек 22 кызды уурдап кетишкен.

БИШКЕК, 1-апр. — Sputnik. "Боко Харам" радикал уюмунун согушкерлери Нигериянын түндүк-чыгышындагы айылдарга эки жолу кол салып 22 кызды уурдап кетишкен. Бул тууралуу РИА Новости Франс Пресс агенттигине таянып кабарлады.

Маалыматка ылайык, согушкерлер биринчи кол салууда 17 жашка чыга элек 18 кызды уурдашкан.

"Кол салуу учурунда согушкерлер эч кимге зыян келтирбей, айылдан качкан адамдарды атууга аракет кылышкан эмес", — деди күбө.

Ал эми калган төрт кыз экинчи кол салуу учурунда уурдалган. Агенттиктин берген маалыматына ылайык, радикалчылар аларга акча төлөөдөн баш тарткан койчуну өлтүрүшкөн.

"Боко Харам" радикалдык тобу Нигериянын түндүк-чыгышында өз өкүмүн жүргүзүп келет. Террорчулар бир нече ири, кандуу терактыларды жасаган.

Согушкерлер. Архив - Sputnik Кыргызстан
Иорданияда он согушкер дарга асылды
2014-жылдын апрель айында "Боко Харам" тобу Нигериядагы Борно штатындагы Чибоко аймагынан 270ден ашуун кызды уурдап кеткен. Топтун башчысы кыздарды алардын камакка алынган согушкерлерине алмаштыруу талабын койгон, бирок өкмөт бул сунушка макул болгон эмес.

Ушул жылдын август айында аталган террордук топ уурдалып барымтага алынган кыздардын видеосун жарыялаган.

Жаңылыктар түрмөгү
0