Жамиля Тойчубекова: ичи тарлардын айынан 60 жашымда комбайн айдаганды үйрөндүм
Бул куракта айыл-чарба техникасын башкарууну үйрөнгөнгө тааныштардын ич күйдүсү себеп болгонун Жамиля апа өзү Sputnik Кыргызстан агенттигине айтып берди.
"Өзүбүздүн кооператив аркылуу жаңы техника алып, бутка тура башташганда ичи тарлар четтен чыга баштады. "Аял башы менен жөн жүрбөйбү" дешип, техниканы кооперативдеги элдин атынан алып атат деп сүйлөнүшкөн. Мен намыстанып, трактор, комбайн айдаганды да үйрөнүп алдым. Каршылаштардын болуп турганы жакшы экен", — деди Тойчубекова.
Өзүнүн айтымында, ал комбайнды айдаганды гана билбестен, оңдогонду дагы үйрөнгөн. Бузулган техникага керектүү жабдыктары да базардан өзү тандап сатып алат.
