БИШКЕК, 27-мар. — Sputnik. Жогорку Кеңештин Социалдык маселелер, билим берүү, илим, маданият жана саламаттыкты сактоо боюнча комитети бүгүнкү жыйынында Коомдук телерадиоберүү корпорациясынын Байкоочу кеңешинин курамына талапкерлерди көрсөтүү жөнүндөгү маселени карайт. Бул туурасында парламенттин сайтында кабарланды.
Эске салсак, КТРКнын учурдагы Байкоочу кеӊешинин курамы 2012-жылы бекитилген. Мыйзамга ылайык, Байкоочу кеӊештин ыйгарым укуктары бүтөрүнө үч ай калганда жаңы мүчөлөр тандалат.
КТРКнын Байкоочу кеӊеши 15 мүчөдөн туруп, беш жылга шайланат. Алгач президент, Жогорку Кеӊеш жана жарандык коом тарабынан сунушталган талапкерлер комитетте каралып, кийин жалпы депутаттардын кароосуна чыгарылат.
