БИШКЕК, 19-мар. — Sputnik. Ош, Жалал-Абад, Баткен облустары менен Ош шаарына 3000ге жакын көчөт отургузулганын муфтияттын маалымат кызматы кабарлады.
Билдирүүгө ылайык, Кыргызстан мусулмандарынын дин башкармалыгы жана "Ыйман" диний маданиятты өнүктүрүү фондунун демилгеси менен жалпы республика боюнча "Бир момунга – бир дарак" аттуу акция башталды.
"Жаздын келиши менен жашылдандырууга арналган иш-чаранын алкагында Кыргызстан боюнча дин кызматкерлери айлана-чөйрөнү тазалап, ар кандай көчөттөрдүн түрлөрүн отургузушмакчы. Учурда Ош, Баткен, Жалал-Абад жана Ош шаарында 3000ге жакын көчөт тигилди", — деп айтылат мааламытта.
Көчөттөр негизинен карылар, балдар үйлөрүнүн айланаларына, коомдук жайларга, парктарга, мектептердин тегерегине отургузулууда.
