Текебаев соттун чечими менен Бишкек мэрине миллион сом төлөмөр болду

БИШКЕК, 14-мар. — Sputnik. Бишкек шаарынын Биринчи Май райондук сотунун чечими менен "Ата Мекен" фракциясынын лидери Өмүрбек Текебаев калаа башчысы Албек Ибраимовго миллион сом төлөп бермей болду. Бул тууралуу Текебаевдин юристи Канатбек Азиз Sputnik Кыргызстан агенттигине билдирди.

Былтыр депутат Өмүрбек Текебаев Ибраимов калаа башчысы болом деп президент Алмазбек Атамбаевге пара катары жер үлүшүн бергенин айтып чыккан. Өз кезегинде Ибраимов Текебаев кадрларын кызматка коюуда үлүш аларын билдирген. Башкы прокуратура эл өкүлүнүн айткандары суу кечпей турганын айткан. 

Текебаев кат түрүндө анын адвокаттары "саясатчынын катышуусунда гана кызыкчылыктарын коргоого укуктуу экенин" билдирген.

"Бул билдирүү Биринчи Май райондук сотунун нотариусунда катталган. Биз кечээ жактоочубузду УКМКнын убактылуу кармоо жайынан сотко алып келүүнү суранганбыз. Бирок сот анын келишинин кажети жоктугун айтып биздин өтүнүчкө көңүл да бурган жок. Андыктан биз каршылык иретинде залдан чыгып кеттик", — деди адвокат.

Ал ошондой эле соттун бул чечимин 30 күндүн ичинде кийинки инстанцияга арыздана турганын кошумчалады.