Чет элдик инвесторлор ассоциациясынын аткаруучу директору Искендер Шаршеев экономикабыз чын эле кубантарлык эмес дейт.
Былтыркы көрсөткүчкө салыштырмалуу өлкө 142-орундан 148-орунга түшүп алты позицияга артка жылган. Кыргызстан тизме боюнча Папуа Жаңы Гвинеясы менен Жибути өлкөлөрүнүн ортосунда жайгашып калды. Рейтингди жүргүзүүдө басылма Бүткүл дүйнөлүк банк менен Эл аралык валюта фондунун маалыматтарына жана жан башына өндүрүлгөн ички дүң продукциясына таянуу менен чыгарган.
"Global Finance басылмасы расмий маалыматтарга таянуу менен рейтинг чыгарган. Андыктан баалоону калыс жүргүзгөн деп айтууга болот. Ага ылайык, мурунку жылдарга караганда көрсөткүч жакшы болгону менен башка өлкөлөргө салыштырмалуу арттабыз", — деди Шаршеев.
Эксперт Кыргызстан саясаттташып кеткендиктен реформалар жүрбөй, экономикабызга терс таасирин тийгизип жатканын кошумчалады.
