БИШКЕК, 8-мар. — Sputnik. Wikileaks сайты АКШнын мамлекеттик чалгындоо башкармалыгынын сыр катары сакталган жашыруун документтерин жарыялады. Бул тууралуу РИА Новости агенттиги Washington Post гезитине шилтеме берүү менен билдирди.
Маалыматка ылайык, атайын кызматтар кишилер тууралуу маалыматтарды алууда бардык заманбап электрондук техникаларды колдонгон. Маалымат алуу үчүн атайын программалар дагы иштелип чыккан. Мисалы Assassin жана Medusa сыяктуу программаларды кездештирүүгө болот. Алардын жардамы менен атайын кызматтар iPhone телефондорунан маалыматтарды алып, Microsoft корпорациясынын компьютерлерин жашыруун тескеп келет. Анан калса Samsung фирмасынын сыналгыларын микрофон катары да колдонууга жөндөмдүү экенин америкалык басылма жазат.
