Эске сала кетсек, Жогорку Кеңештин депутаттары жарандардын ар кандай аракеттерине тыюу салып жазаны күчөтүү боюнча административдик кодекске өзгөртүү киргизүү боюнча мыйзам долбоорду коомдук талкууга алып чыгышты.
Аталган мыйзам долбоордун автору Махабат Мавлянова мыйзам долбоору тууралуу айтып берди.
"Учурда акыр-чикирлерди таштагандарга карата жаза өтө аздык кылууда. Ушундан улам жазаны күчөтүүнү туура көрдүк. Мисалы, буга чейин таштандыны туура эмес жерге төккөндөргө 2000 сом айып салынса, биз 10 миңге көтөрүүнү сунуштап жатабыз. Мындан сырткары, таштанды таштагандарды милиция дагы карай турган кылып жатабыз", — деди депутат.
Эл өкүлү мындан сырткары, эгер айып пулду милиция сала турган болсо алынган сумманын 10 пайызы участкалык инспекторлорго, 20 пайызы ички иштер бөлүмүнүн материалдык абалын жакшыртууга берилерин кошумчалады.
