Медакадемия студенттери курсташынын операциясына таттуу токоч сатып акча чогултууда

© Фото / пресс-служба КГМА КРПродажа выпечки и сладостей для сбора денег Ильясу Ахунбаеву
Продажа выпечки и сладостей для сбора денег Ильясу Ахунбаеву - Sputnik Кыргызстан
Жазылуу
Медициналык академиянын башкы корпусунда токоч сатуу кайрымдуулук акциясы уюштурулган. Акциядан чогулган каражат биринчи курстун оор илдетке кабылган студентинин дарылануусуна берилет.

БИШКЕК, 24-фев. — Sputnik. Кыргыз мамлекеттик медициналык академиянын студенттери окуу жайдын биринчи курсунун студенти Ильяс Ахунбаевдин операциясына акча чогултууну чечишти. Бул тууралуу аталган окуу жайдын маалымат кызматы билдирди.

"Фармация" факультетинде билим алган Ахунбаевге дарыгерлер баш мээсине шишик бар деген диагноз коюшкан.

"Ильяс менен бирге окугандар операцияга каражат топтоо максатында окуу жайдын башкы корпусунда өздөрү жасаган таттуу токочторду сатышууда. Чогулган акчаны студенттер Ахунбаевдердин үй-бүлөсүнө алып барып беришет", — деп жазылат маалыматта.

Билдирүүгө ылайык, жакында Ильяс Москвага дарыланууга жөнөйт. Анын операциясына 500 миң сом акча каражаты керектелет.

Жаңылыктар түрмөгү
0