БИШКЕК, 24-фев. — Sputnik. Кыргызстандын хоккей курама командасы Саппоро (Япония) шаарында өтүп жаткан кышкы Азия оюндарында катарлык команданы жеңип финалга чыкты. Бул тууралуу Жаштар иши, дене тарбия жана спорт агенттигинин маалымат кызматынан кабарлашты.
20 Бирдин айы 2017, 15:49
Чучу кулак кармоодо кыргыз курамасы Катар, Филиппин жана Кувейт командалары менен бир келип "А" тобуна кирген. Кыргызстандыктар алгач кувейттиктерди 5:0 эсебинде жеңип алган. Экинчи оюнда филиппиндиктер менен беттешип 10:5 эсебинде жеңишке жетишкен. Ал эми финалга чыгуу үчүн ата мекендик курама топ катарлык хоккеисттер менен муз аянтка чыгып, аларды 7:2 эсебинде жеңип алды.
Эми чечүүчү таймашта кыргызстандык оюнчулар "В" тобунун жеңүүчүлөрү — түркмөн командасы менен 26-февралда беттешет.
VIII Азия оюндары спорттун 11 түрү боюнча өтүп жатат. Ага 1500гө жакын спортчу жана 30 олимпиадалык комитеттин расмий өкүлдөрү катышууда.
