БИШКЕК, 24-фев. — Sputnik. Россиялык белгилүү ырчы Филипп Киркоров Instagram баракчасына Бишкектин жанындагы Ала-Арча капчыгайында эс алып жаткан сүрөттөрүн жарыялады.
Киркоров жума күнү Каба уулу Кожомкул атындагы спорт ордосунда "Я" деп аталган шоу-концертин берет.
"Бул Альпы эмес, бул Ала-Арча! Бишкекте өтчү "Я" концертинин алдында легендарлуу корукта эс алып жүрөбүз", — деп жазылат сүрөттүн түшүндүрмөсүндө.
Концерттин уюштуруучулары Киркоров сахнада 2,5 саат болорун айтышты. Өтө көп каражат жумшалган ажайып шоунун көркүн жүздөгөн костюм менен декорация, мыкты адистер чыгарары белгиленип жатат.
