БИШКЕК, 22-фев. — Sputnik. Өзгөчө кырдаалдар министрлигинин кар калың жааган Чаткал жана Каныш-Кыя айыл аймактарына жөнөткөн гумжардам жетти. Бул тууралуу аталган министрликтин маалымат кызматы билдирди.
Маалыматка ылайык, гуманитардык жардамды ӨКМдин Жалал-Абад облусундагы башкармалыгынын жетекчисинин милдетин аткаруучу Абдишарип Бекилов коштоп барган.
"Шифер, азык-түлүк жергиликтүү бийлик өкүлдөрүнө берилди. Учурда ал бөлүштүрүлүүдө", — деп айтылат маалыматта.
21 Бирдин айы 2017, 12:34
Белгилей кетсек, 17-февралда ӨКМдин Оштогу бирдиктүү кампасынан кар калың жааган аймактарга жардам катары 120 даана шифер жана азык-түлүктөр жүктөлгөн эки КамАЗ автоунаасы чыгып кеткен. Бирок Ала-Бука — Каныш-Кыя жолундагы Чапчыма ашуусунда бороон болгондуктан бир автоунаа Таш-Көмүр шаарына, экинчиси Терек-Сай айылына кайтууга аргасыз болгон. 21-февралда жол ачылып, аба ырайы турукташкандыктан гуманитардык жардам белгиленген аймакка жеткирилген.
