БИШКЕК, 21-фев. — Sputnik. Бишкектин "Дордой" командасы менен Тажикстандын "Хосилот" командасы бүгүн Ошто оюн талаасында кездешет. Бул тууралуу "Дордой" футбол клубунан билдиришти.
Маалыматка ылайык, бишкектик команда AFC кубогунун тайпалык этабына өтүү үчүн оюнга чыгат. Мелдеш Ош шарында Ахматбек Сүйүнбаев атындагы стадиондо 21-февраль күнү саат 15:00дө болот.
Ал эми экинчи беттеш Душанбе шаарында 28-февралга белгиленген.
AFC кубогу — Азиядагы даражасы боюнча экинчи орунда турган мелдеш. Үч тандоо жана бир негизги турнирден турат. Эки матчтан турган мелдештин жеңүүчүсү финалга чыгып, таймаштын негизги бөлүгүнө жолдомо алат.
