БИШКЕК, 13-фев. — Sputnik. АКШ Грецияга баасы жарым миллион долларды түзгөн байыркы саркофагтын бөлүгүн өткөрүп берди. Бул тууралуу РИА Новости ANT1 телеканалына шилтеме берип кабарлады.
Аталган мрамор саркофагы 1988-жылы Грециянын Салоники шаарынын аймагынан уурдалып, Нью-Йорктон табылган.
Анда туруп турган эркек адамдын жана атчан чабандестин элестери чагылдырылган. Саркофаг табылгандан 28 күн өткөндөн кийин ээлерине дароо өткөрүлүп берилгенин Нью-Йорктогу Грециянын башкы консулу Константинос Кутрас билдирди.
Ал эми АКШнын армиясынын полковниги Мэтью Богданос байыркы эстеликтин баасы 500 миң долларга баалана турганын айтып, алгач ал Европада болуп андан соң Нью-Йоркко өткөрүлгөнүн кошумчалаган.
Нью-Йорктун прокурору Сайрус Вэнс байыркы эстеликти өткөрүп берген галереянын ээси камалбай турганын анткени ал саркофагты Грецияга өткөрүп берүүнү өзү сунуштаганын билдирди.
