БИШКЕК, 10-фев. — Sputnik. Ысык-Көл облусунун Түп районундагы эки жума мурун жоголгон эки балыкчыны издөө иштери убактылуу токтотулду. Бул тууралуу ӨКМ маалымат кызматы билдирди.
Бул адамдар балык уулоого 30-январь күнү чыгып кетишкен.
"Күрмөнтү айылынын 27 жаштагы жана 35 жаштагы эки тургуну Кутургу жана Фрунзе айылдарынын ортосундагы көлдүн тилкесине балык кармоого кетип, ошол бойдон дайынсыз. Издөө иштерине ӨКМден 20дан ашуун куткаруучу, жергиликтүү тургундардан 50дөй адам чыккан. Бирок жоголгон адамдар табылган эмес", — деп жазылат маалыматта.
Чөгүп кеткен балдардын ата-энелеринин макулдугу менен издөө иштери 20-февралга чейин убактылуу токтотулду.
