БИШКЕК, 7-фев. — Sputnik. Өткөн жылы өлкө аймагында 86 интернет сайт жабылган. Бул тууралуу Башкы прокуратура билдирди.
Маалыматка ылайык, аталган сайттар экстремизим, терроризмди жайылтууда деген кине менен иши токтотулган.
"Эктремизм, терроризмге каршы күрөшүү, улуттар аралык араздашуунун алдын алуу боюнча прокуратура тарабынан өткөн жылы 203 ирет текшерүү болуп, 76 жолу мыйзам бузууну жоюу боюнча көрсөтмө берилген. Мындан сырткары, 219 мамлекеттик кызматкер дисциплинардык жазага тартылган. ИИМ УКМК менен биргеликте иш алып барып, сотко экстремизмди жайылтууга тиешеси бар делген сайттардын тизмеги берилип, 86 сайтты жабуу боюнча чечим чыгккан", — деп жазылат маалыматта.
Башкы прокуратура бүгүнкү күндө сайттарга көзөмөл жүргүзүүнү улантууда.
